بوکون بغلان و فاریاب کۉزی گریان ییغله‌یدی
بېریب فرزندینی قۉلدن آته حیران ییغله‌یدی
بو بورکه کۉز یاشین سیلسه‌م ینه غۉر قیغوگه باتگن
بو حالتگه چیدالمسدن کۉرینگ انسان ییغله‌یدی
باله قیزلر آقیب سووگه حیاتگه نطقه قۉیگن دیر
اۉغیل-قیزیم دېیب آنه ینه هرآن ییغله‌یدی
مصیبت کېلدی اۉلکه‌مگه خدادن چاره ایسترمن
دېیب قری و یاش کیمسه بۉلیب سرسان ییغله‌یدی
کېلیب بیردمگه آقیین بوزدی همده تۉزدی هرآننی
بار و یۉغین آلیب قۉلدن بۉلیب پسمان ییغله‌یدی
خدایا نې بۉلر حالیم گناه‌لر آشدی می حددن؟
قۉلیدن هیچ_نه کېلمسدن یوره‌گی قان ییغله‌یدی
نظاره ایله‌گه‌ی بیزلر بیراو آقیینده قالگنده
اۉره‌ب آلگن مصیبت کیم بۉلیب زندان ییغله‌یدی
محسین سېزگیر
جوزجان-آقچه
۱۴۰۳.۲.۳۱
