تاتمه‌دیم فانی آچون‌نینگ یخشی آنین کیفینی
اولگنیم‌دن سونگره‌کی ایسلشلی او چاغدن نی سود
کورمه‌دیم عمریم بویی گللر وفاسین حسرتا
گل بیلن قیلمنگ کفن، گلزار ارا راغدن نی سود
گللر ایچره مقبره‌م، چرواغ ایترسیز توگره‌گیم
توپراغ آستیده قالر، اوستیم‌ده‌گی باغدن نی سود
یخشی‌سی شودیر عزیزلر، قدر و قیمتنی بیلینگ!
بیلمه‌سنگیز قدر و قیمت، کویینیش، داغدن نی سود
همدم اولمس‌دن برون قدرینی بیلسنگیز ییتر
اولگنی‌دن سونگره‌کی اعزاز و ارداغدن نی سود
Hashim Hamdam
