ایککی فرزند نینگ آته‌سی احمد خالد متین میمنه شهریده ناتانیش کیشیلر تمانیدن اولدیریلگن.
مقتول نینگ یقین لری گه کوره او چهارشنبه آقشامی افطار دن سونگ اوییدن چیقیب یوقالگن. اونینگ جسدی پنجشنبه کونی تانگ آتگندن سونگ میمنه شهری نینگ قوروغ سای محلیدن تاپیلگن. عایله سی اونینگ هیچ کیم بیلن شخصی خصومتی بولمه‌گنی و بیر ساغلیق مرکزیده وظیفه قیلیشنی بیلدیرگن.
واقعه توغریسیده خوفسیزلیک رسمیلری هلیگچه هیچ نرسه دیمه‌گنلر.
ایسله‌تیب اوتیش لازم کی موندن نیچه کون آلدین هم فاریاب ولایتی نینگ اندخوی تومنیده هم خوددی شوندی بیر واقعه ده بیر ییگیت قتل ایتیلگنیدن خبر قیلینگن ایدی.
