یورتیم نی تورت فصلیدن ایکی فصلین ساتگن لر ،
خزان قیلیب یورتیم نی بلبل لرین آتگن لر .
بیری بهار بیری یاز قالمنگ خبرسیز ایلیم ،
یورتیم نی رنگی سریغ ایزیلدی بغری دلیم .
درخت لری تیتره ی دی یپراق سیزویلنغاچ ،
رحم سیزقیش کؤپ نامرد همده ساووق کوزی آچ .
یپراق لرین بیرمه بیر اؤغیرلب کیتگن خزان ،
قیش بیلن بیرگه بؤلیب یورتیم نی قیلدی ویران .
یورتنی یوزیگه قره نگ رنگلری بؤلگن سریغ ،
آی مامه م درد وغم دن نهایت بؤلگن اریغ .
قاره کییمده قویاش ایرته یانیمده کیلدی ،
یولدوزلرکویب -یانیب آسمان توتون دن تولدی .
بودنیا ده تینچیم یؤق تینچلیک اؤلیم تختیم ده ،
لحظه هم بؤلسه تینچلیک ثابت تخت و بختیم ده ،
اؤلیم تختی بختلیدیر اونده لحظه تینچلیک بار ،
ثابت تخت وبختیم ده شونده لحظه تینچلیک بار .
حرمت بیلن
عزیزفاریابی.
2017/07/23
