کۉپ اورینسم هم، غمیم کم بۉلمه‌دی
بو کۉنگول بیر لحظه بی‌غم بۉلمه‌دی
هر چمن ده یوز چېچک نی سۉیدیلر
لیک، قاتللر کوزی نم بۉلمه‌دی
اۉلکه‌میز کۉکسیگه اۉقلر آتدیلر
یاره‌لر گه بیر ته مرهم بۉلمه‌دی
اۉزنی “تېمورمن” دېگنلر قاچدیلر
هېچ بیری عهدی‌گه محکم بۉلمه‌دی
یخشی دملر ده قلین دوست بۉلگنیم
کۉپ یمان دملر ده همدم بۉلمه‌دی
ای سمنگان بېگیم‌آیی، قیده سن؟
بیر کیشی بو اېل گه رستم بۉلمه‌دی
“یا اۉلیم یا اېلگه ایرکینلیک” دېیه
آلغه چاپدیم، ایککی سی هم بۉلمه‌دی
قیز من، اوکتم‌لیک‌نی مېن‌دن اۉرگه‌نینگ
قنچه تاش تېگسه، باشیم خم بولمه‌دی
شفیقە دیباج
۲۸ فبروری ۲۰۲۴
