– ۱۹۲۰نچی ییلده تاشکند شهریده توغیلدی. باشلنغیچ تعلیمنی توگه تیب، او
موسیقه کورسینی هم عین شو ییرده توگتدی.
صنعتکار- افغانستان ده استقامت قیله یاتگن اؤزبیک، ترکمن، تاجیک، پشتو و هزاره
لرنینگ، اینیقسه، یاشلر نینگ ارداقلی صحبتداشی و صمیمی دؤستی ایدی.
منصوری نینگ افغانستان اؤزبیکلری تیلی و موسیقه سی رواجی اوچون قیلگن خذمتلری
غایت اولکن.
او اؤز اؤغیل- قیزلری و نیوره لریدن تشقری جودده کؤپ ترقی پرور یاش لرنی افغانستانلیک
اؤزبیکلرنینگ ادبیاتی، شعریتی، تیلی و موسیقه سیگه محبت روحیده تربیه له دی.او دوتارنی
علیحده شوق و ذوق بیلن چَلر ایدی. ضیا ٔ خواجه اکه چلگن دلنشین اؤزبیک کلاسیک کویلری
افغانستان رادیوسی آرقه لی هوا موجلریده همیشه جرنگله ماقده.
ضیا ٔ خواجه منصوری تامانیدن دو تار ده زؤر مهارت بیلن اجرا ایتیلگن «مناجات»، «دلخر
اج»، «تناور»، «بیات»، «ایسکی تناور»، «راحت» و «صوت مسکین» کبی دلربا کویلر هیچ کیمنی
لاقید قالدیرمس ایدی و آدملرنینگ زیبا پرستلیک ذوقینی آشیریب، اولرنینگ پاک و نفیس قلبلریگه
بیر عالم قوت و مدد بغیشلردی.
کمینه «ایماق» افغانستان رادیوسی محلی پروگراملر اداره سیده ایش له یاتگن پیتیمده
ضیا ٔ خواجه منصوری نینگ دوتار و سه تار اسبابلری جؤرلیگیده، اجرا ایتیلگن کلا سیک کویلرینی
رادیو ستدیولریده ضبط ایتتیرگن ایدیم. بو کویلر ادبی ایشیتتریشلریمیزده دایما فایده له نیب
کیلگن. بو کویلر حاضرهم افغانستان رادیو تلویزیونی نینگ موسیقه آرشیفیده سقلنماقده.
ضیا ٔ خواجه منصوری جهان گذشته، تینیب – تینچمس، سیر غیرت و فعال انسان ایدی.
او افغانستان نینگ دییرلی همه والیتلرینی کیزیب چیققن . هندوستان، ایران، ترکیه، سعودی
عربستانی، شورالر اتفاقی، آلمانیه و امریکا کبی خارجی مملکتلرده بؤلیب،اؤشه یورتلرده گی
خلقلرنی، اؤزبیک موسیقه سی و هنری بیلن تنیشتیردی.
اینیقسه، اؤزبیکستان بیلن افغانستان خلقلری اؤرته سیده گی دؤستلیک و برادرلیک علاقه لرینی
یخشیلشده منصوری نینگ خذمتلری کتته.
منصوری صنعتی نی اونینگ فرزندلری باتو منصوری، همایون منصوری و مولوده منصوریلر
دوام ایتتیرماقده لر. اونینگ فرزندلری تامانیدن ایتیلگن دلنشین قؤشیقلر افغانستانده گی برچه
اینی – آغه و برادر ملتلر اوچون ذوقبخش و یاقیملی .
مشهور صنعتکار، افغانستانده اؤزبیک موسیقه سی نینگ ترقیاتیگه کتته حصه قؤشگن.
۱۹۷۹نچی ییلی تاشکینده اوزاق بیتاب لیکدن سؤنگ ، وفات–اوستاد
ایتدی. او وفات ایتگن بؤلسه – ده، براق اونینگ صنعتی و خاطره سی صنعت سیورلر قلبیده همیشه
برحیات
