نینگ قیسقچه بیوگرافیسی ترجمه حالی
ایماق ! تویی عاقل و فرزانه ی ما
از مهر تو خرم است کاشانه ی ما
در هر دو جهان خدا به تو لطف کند
این است مرام دل دیوانه ی ما
استاد محمد امین متین اندخویی
۱۴ / ۱۲ / ۱۳۹۳- انچی ییل – اندخوی
شاهمردانقل کلانتر اؤغلی فیض الله نهال ایماق، ۱۳۲۴ – انچی ییلی، فاریاب ولایتیگه قره شلی
اندخوی شهر، قورغان تومه نی ، باغبوستان قیشلاغیده تولد تاپدی.
او اندخوی شهریده گی قورغان ناملی باشلنغیچ مکتبنی توگه تیب، کابل ده گی ابن سینا
اؤرته مکتبده و دارالمعلمین ده تحصیل آلدی. ایککی ییل نادریه لیسه سیده اوقیتووچیلیک قیلیب، کابل
یونیورستی نینگ تیل و ادبیات فاکولته سیگه اؤقیشگه کیردی .
ایلکبار ایماققه، کابل اوقویورتی، ادبیات فاکولته سی، ژورنالیزم بؤلیمی نینگ ایککینچی
صنف طلبه سی بؤلگن پَیتیده، افغانستان رادیوسیگه همکارلیک قیلیش یؤلیی آچیلیب، او ـ صدای
معارف «معارف آوازی» پروگرامیده،ایشله ی باشله دی. کیینراق، مذکور رادیو نینگ «روزنه» اداره
سی چوکاتیده، دری و پشتو تیللریده آلیب باریله دیگن ما و کشور ما «بیز و اولکه میز» عنوانلی
پروگرامی نینگ متصدی بؤلیب، اؤز ایشی نی دوام ایتتیردی. بو بیر ساعتلیک ایشیتتیریش، هفته لیک
بؤلیب،اونده افغانستان والیتلری و شهرلری، هر تامانله مه تنشتیریلرایدی.
ایماق ۱۳۵۰ – انچی ییلی فاکولته نی تمامله ب، اطلاعات و فرهنگ وزیرلیگی نینگ ولایتلر اداره سیده رسمی شکلده اؤز ایشی نی باشله ب یوباردی.
ایککی آی اؤتر- اؤتمس، اوشه پیت نینگ مذکور وزارت وزیری محترم محمد ابراهیم عباسی
جنابلری بویوریغه گه کؤره، او، رادیو ایشلریده ملَکَه لی تجربه گه مالک بؤلگه نی باعث، افغانستان
رادیوسی محلی برنامه لر (اؤزبیکی، تورکمنی، بلوچی، پشه یی و نورستانی) گه اساس سالیش
مقصدیده، رادیوگه یوباریلدی. ایماق، دستله ب، وزیرلیک تامانیدن رادیو نینگ محلی دستورلر
آمری – رسمی جوابگویی صفتیده تعیینله نیب، بیشه له پروگرام اعضالرینی کابلده
تحصیل کؤره دیگن طلبه لر، همده، تورلی والیتلرده آنه تیللریده یازیش- چیزیش نی بیله دیگن
– کدرلرنی اؤز اطرافیگه جمعله ب، اولر یاردمیده،
ناملری یوقاریده تیلگه آلینگن پروگراملرنی ۱۳۵۰ ییل ، میزان آیی نینگ ۱۵ – انچی سیده افغانستان رادیوسی چوکاتیده باشله ب یوباردی
۱۳۵۴- انچی ییلی بو پروگراملر توستدن یؤق قیلیندی ، فقط او (ایماق) افغانستان رادیوسی تربیوی
ایشیتتیریشلری مدیری لوازیمیگه تعیینله نیب ، باشقه همکارلرعلاقه لری ایسه، قراردادی
همکارلربؤلگن لری سببلی، رادیودن بوتونلی اوزیلدی .
بیرنیچه ییلدن سؤنگ “ملیتهای برادر”پروگرامی تیکلنگندن کیین، او – ینه اؤز ساحه سیده
ایشنی دوام ایتتیردی. قطار پروگراملرنی اؤزی تیارلب نطاقلیک قیلدی. رادیو ایش فعالیتینی کوزه
تگن رهبرلیک، اونی باش مدیر ایتیب تعیینله دی .
داکتر ایماق مینگگه یقین محلی قؤشیقلرنی، جمله دن فولکلور ژانریده گی قؤشیقلرنی
رادیو ده ثبت قیلدی. بو قؤشیقلر حاضر هم افغانستان رادیوسی نینگ آرشیفیده سقلنماقده.
داکتر فیض الله ایماق نینگ قطار علمی و تحقیقی مقاله لری افغانستان و جهان مطبوعاتیده
نشر ایتیلگن. اونینگ مقاله لری “ادب مجله سی”، “انیس”، “ژوندون”، “عرفان”، “آواز”، “ملیتهای برادرً و ولایتلر جریده و مجله لریده هم چاپ بؤلگن.
ایماق نینگ مقاله لری ، چیت ایلده باسیلیب چیقه دیگن مجله لرده هم باسیلیب چیققن.
جمله دن، ترکیه نینگ استانبول و انقره شهرلریده گی بیدلستان” و “راه نیستان” مجله لریده، امریکا قؤشمه ایالتلریده چاپ بؤله دیگن “پیمان”،
“امید”، “کیوان” مجله لریده، کانادانینگ تورنتو شهریده باسیلیب چیقه دیگن”اندیشه ٔ نو”، “آشیان
.«نایاب” مجله لریده و تورلی ویب سایتلرده اونینگ قطار مقاله لری چاپ ایتیلگن
فیض الله ایماق کوپراق اؤزبیک تیلی و فولکلوری رواجیگه حصه قؤشیب کیله یاتگن عالملر
جمله سیدندیر.
داکتر ایماق نینگ حاضرگچه ۱۶ کتابی ، افغانستانده و چیت مملکتلرده چاپ بؤلگن و ۸ اثری ، چاپ گه تیار.
ایماق ، تاشکینت شهریده گی اولوغبیک دارالفنونیده ژورنالیزم بؤیچه ماسترلیک درجه سینی ایگله دی. شونینگ دیک او « افغانستان اؤزبیکلری خلق قؤشیقلری » عنوانی آستیده گی یازگن علمی رساله سینی حمایه قیلیب دوکتورلیک دپلو مینی قؤلگه کیریتدی.
او ۲۵ ییل اوزبیکستان نینگ تاشکینت شهریده استقامت قیلیب، بیش کتابی بو شهرده باسیلیب چیقدی.
او ۱۴ ییل تاشکینت خلق ارا رادیوسی نینگ دری تیلیده گی افغانستان اوچون ایشیتتیریشلریده ، نطاق صفتیده ایشله دی. مذکور رادیوده ایماق نینگ تورموش اؤرتاغی انابت جان ایماق، و یلدا ناملی قیزی هم نطاق لوازیمیده ایشله دیلر.
او تاشکینت شرق شناسلیک فاکولته سیده، دری تیلیدن درس بیردی.
او ، اوچ ییل « آیدین» ناملی اوزبیکچه عرب – فارسی خطیده چاپ بؤله دیگن مجله نینگ مسوولی صفتیده ایشله دی.
او اؤزبیک فلم – اداره سی تکلیفیگه بناً ( ۲ ) ته اؤزبیکچه فلمنی دری تیلیگه اؤزگرتیریب ، دوبلاژ قیلدی. بو فلم لر افغانستان تلویزیونی آرقه لی نشر بؤلدی.
ایماق ، تاشکینتده گی افغانستان ایلچی خانه سیده ، اتشه صفتیده، بیر نیچه ییل ، ایش آلیب باردی.
نهایت ، داکتر ایماق، ۲۰۰۵ -انچی ییلی تاشکینتدن کانادا اولکه سیگه ،عایله – اعضالری بیلن سفر قیلدی.
حاضرچه او ، مذکور اولکه نینگ تورنتو شهریده استقامت قیلماقده .
او همچنین کانادا دیاریده هم اؤز معنوی و فرهنگی فعالیتی نی دوام ایتتیرماقده.
ایماق و اونینگ تورموش اورتاغی انابت ایماق، اوزبیک تیلیده، ایشیتتیریشلر تیارله ب، بو ایشیتتیریشلر ، تورانتو شهریدن ترقله دیگن، آریانا افغانستان تلویزیونی آرقه لی هر هفته ده بیر مراتبه نشر بؤلر ایدی.
۲۰۰۹ – انچی ییلی ففتا ( فدراسیون فرهنگی تورکان افغانستان ) انجمنی نینگ سیلاوی آنتاریو ایالتی « گووالف» شهریده بؤلیب اؤتدی.
ایماق مذکور سیلاوو گه اشتراک ایتیب ، بیرینچی اورین نی ایگلله دی.
او، مذکور انجمن نینگ کانادا بؤیله ب عمومی رییسی صفتیده ییللر دوامیده فرهنگی ایشلرگه قتنه شدی. نتیجه ده تورنتو شهری صدر اعظمی تامانیدن صادر بؤلکن اوارد « تقدیر نامه » نی قؤلگه کیریتدی.
۲۰۱۳ – انچی ییلی ، داکتر ایماق، فرهنگی و ایجابی فعالیتلری اوچون کانادا نینگ خلق ارا الماس و طلا مداللرینی هم قؤلگه کیریتدی. بو مداللر محترم چارلی سوسا ، کانادا نینگ استیزنشیب و ایمیگریشن وزیری تامانیدن ایماققه تقدیم ایتیلدی.
