بو سرمایه مکانیده سخاوتسیز غنیلر کۉپ،
مروّت، معنویتدن ییراق جاهل دنیلر کۉپ.
بېریلگن مال و بایلیککه توبن مغرورلر بسیار،
اېزیلگن رنج و محنت تاشی آستیده عنیلر1 کۉپ.
بۉلور بیر-بیریگه یاو هم توغیشگن آغه-اینیلر،
ولې صادق برادرلیک یۉلیده ناتنیلر کۉپ.
قوریب قورساغی2 آچلیقدن ییقیلگن بینوا سانسیز،
شیشیب قارنی آتالمه‌ی بیر آدیم چون جَوشنیلر3 کۉپ.
بیلیم، فرهنگ، ادبگه قدر بېرگووچی کیشیلر آز،
جهالت بلجیغیده یوزگوچی خودبین شنیلر4 کۉپ.
اېرور سانسیز قوروق نان بیرله قیناق سووگه محتاج اېل،
ینه برماغی دایم بالده، نانی روغنیلر کۉپ.
اېمس آز گنج اوزره آغنه‌گن آغولی اژدرلر،
اولرنینگ قوللیگیده خانه ویران گلخنیلر کۉپ.
چۉزیلمه‌ی عمریده اصلا قۉلی خیر ایشگه خِسّتدن،
ولې دأبی5 قمار و چاغیر و همده زنیلر6 کۉپ.
دېمه بو نسخه‌لر قۉشمه ایالتلرده بار یالغیز،
که بو اوصاف بیرله لندنیلر، جرمنیلر کۉپ.
فرزنو/کالیفرنیا،
2024-ییل اپریل آیی‌نینگ 18/19 کېچه‌سی
- عَنی: رنج و محنت چېککن، قیینلگن کیشی
- قورساق: معده
- جَوشنی: قارنی چیققن بوغاز عیال
- شنی: نفرتلنگن، خۉرلنگن کیشی؛ مکروه
- دأب: عادت
- زنی: زنا
