یورهگی سینگهن، آرزولر اۉرتهده تا‘ختهب، یونیورسیتی و مکتبلر اېشیکلری قیزلر اوچون یاپیلگنینی کۉرهمیز. اوشبو قرار بیزنی نهفقط تعلیم آلیش حقوقیدن محروم قیلهدی، بلکه ینهده یارقینراق و ثمرهلیراق بۉلیشی ممکن بۉلگن کېلهجکنی قارهلهیدی.
تعلیم هر قندهی جمعیت نینگ اساسیدیر. بوسیز اۉسیش، رواجلنیش و اېرتنگی کونگه امید قیلیش ممکن اېمس. بیز قیزلر شو جمعیت نینگ بیر قِسمیمیز. بیز اۉرگنیش، اۉسیش و یخشی کېلهجکنی قوریشده اۉز حصهمیزنی قۉشیش حقوقیگه اېگهمیز. تعلیم اېشیکلرینی قیزلرگه بېرکیتیب قۉییش – ملت نینگ اۉسیش و ترقیات اېشیکلرینی یاپیشدیر.
بیز قرار قبول قیلیش حقوقیگه اېگه بۉلگن هر بیر کیشی بیزنی اېشیتیشینی خواهلهیمیز. تعلیم امتیاز اېمس؛ بو انسان حقوقیدیر. هر بیر قیز غرور بیلن مکتب و یونیورسیتیلرگه اۉقیشگه کیریشی، آرزولری آرتیدن مستقل و بیلیمدان شخص بۉلیشی ممکن بۉلگن دنیانی تصور قیلینگ.
بو حقوق بیزدن تارتیب آلینمسین. هېچ بیر قیز یاپیق اېشیکلر آرتیده قالمهیدیگن کېلهجکنی قورهیلیک…
