خوشروی بؤلسه خاتینینگ ، کیفیتینگ بوزیلمس
چیور بؤلسه خاتینینگ، توگمنگ اصلا بوزیلمس
آشپز بؤلسه خاتینگ، یخشی طعاملر ییسن
شونده ی کیلین نی تاپگن آننگه، رحمت دیسن
آزغین بؤلسه خاتینینگ، قؤرقمه بو ، بیر درد ایمس
سیمیز بؤلسه خاتینینگ، قیشده پیچکه« بخاری» شرط ایمس
نازک قیزگه اویلنسنگ، باشده عسل بؤله دی
تؤیدن کیین کؤره سن، هر گون کسل بؤله دی
خاتینینگ پالوان بؤلسه، یوکینگ ییرده قالمه یدی
کؤکره ک کیریب یوره سن، بیراو بیر مُشت سالمه یدی
رقاصه گه اؤیلنسنگ، مزه قیلیب اؤینه یسن
اویه م تؤیمه – تؤی یورسه، خاتینگه هم تؤیمه یسن
شاعره گه اؤیلنسنگ، تونده غزل تؤیدی
تانگ آتگونچه اوخله مه ی، اونی سینگه اؤقیدی
خاتینینگ اوقوتوچی« معلم» بؤلسه، کوندن – کونگه آزه سن
تونی بیلن اؤرنیگه، سین کنسپکت « خلاصه» یازه سن
سوداگر گه اویلنسنگ، سیمیریشیب تؤله سن
او دوبی ده سین اویده، بیر قراوول بؤله سن
حربی قیزگه اویلنسنگ، راستلن ! دیسه، قاته سن
اییری بؤلسنگ هم اوندن، رخصت سؤره ب یاته سن
خاتینینگ زوبنوی« داکتر دندان»بؤلسه، یوریشه دی ایشلرینگ
تازه طلا دن بؤلر، قنغیر – قیشیق تیشلرینگ
لولی قیز اَوره ب سینی ، قلبیگه اؤت یاقه دی
ییلکه سیده خؤرجینی، اؤزی ایشله ب باقه دی
تدبیر کارگه اؤیلنسنگ، بیراودن کم بؤلمه یسن
شفاکار « داکتر» گه اؤیلنسنگ، یوز یاشده هم اؤلمه یسن
خاتینینگ یامان بؤلسه، غم – قیغو گه باته سن
چیرتیب قؤیسنگ هم اونگه، اؤن بیش ساعت یاته سن
اوی – جایی بار خاتین آل، قینه لیب اوی ، سالمه یسن
خاتین آلمه – راتین« بخشنده ترین» آل، قولاق تینچ آچ قالمه یسن
ارسالی : ایماق
