بس که قیلدینگ قیته قیته اوشبو کونگیل نی خراب
بولمه دی مخروبه کونگیل نیله ی آباد ای فلک!
هر کس و ناکس نی قوللب بی حساب لطف ایله دینگ،
مینگه قالگنده تنی بیر قیلمه دینگ یاد ای فلک!
قیغو تاغی بارینی ایلکم ده آرتینگ آه! -آه!
کیچه کوندوز چیکمیشم جبرینگ له فریاد ای فلک!
خی دوام ایت ظلم و جبرینگ، بیزگه هم بار دیر خدا
بیر کونی سین هم بولر سن نیست و برباد ای فلک!
هر رقم دهلینگ نی چلسنگ چل بوگون کیلگن قولینگ
بولمه گی من مین ولی هیچ سینگه منقاد ای فلک!
دوشنبه/۴/ثور/١٣٩۶/میمنه شهری.
سارنوال خال محمد (بیگ اوغلی)
