باباموراد همدم اوف 1940 ییل تورکمنستان نینگ چارجۉی شهریده توغیلگن. اۉزبېکستان، تورکمنستان و قاره‌قلپاقستان جمهوریتی خلق آرتیستی. اۉزبېک صنعتی نینگ کلاسیک حافظی و استاذی، «دۉستلیک» نشانی صاحبی.
باباموراد همدم اوف اساسن 4 تیلده: اۉزبېک، تورکمن، تاجیک و هند تیلیده خلق قۉشیقلرینی اجرا اېتگن. اۉرته مکتبنی توگه‌تگندن کېین کۉترمه کرنچیلر تیارله‌یدیگن قیسقه کورسنی بیتیریب، قوریلیشگه ایشگه کیرگن. اما قۉشیق ایتیشنی یخشی کۉرگنی اوچون دستلب هندچه قۉشیقلر ایتگن، کاملجان آته‌نيازاو نینگ تاشواوزده‌گی انسامبلیده ایشله‌گن.
باباموراد همدماو اۉزبېک ملي قۉشیقچیلیک صنعتی نینگ رواجلنیشیده سلماقلی حصه قۉشیب، بیر نېچته اۉلمس اثرلر یره‌تدی و تماشا‌بینلر آلقیشیگه سزاوار بۉلدی. اینیقسه اونینگ «سلطان جلال الدین»، «کیم اېکن»، «دېوانه»، «گلدیمو»، «قۉرقدیم» کبی قۉشیقلری کېنگ عامه‌لشیب، خلق قلبیده مناسب ا‌ۉرین اېگه‌لله‌دی.
باباموراد همدم او بویوک حافظ کاملجان آته‌نيازاو نینگ مناسب ایزداشی اېدی. اونینگ قۉشیقلری و ایجادی اۉزبېک صنعتی نینگ «آلتین فوندی» گه کیریتیلگن.
O‘zbekiston xalq artisti Bobomurod Hamdamov 84 yoshida vafot etdi
O‘zbekiston, Turkmaniston va Qoraqalpog‘iston Respublikasi xalq artisti Bobomurod Hamdamov 84 yoshida hayotdan ko‘z yumdi.
Bobomurod Hamdamov 1940 yil Turkmanistonning Chorjo‘y shahrida tug‘ilgan. O‘zbekiston, Turkmaniston va Qoraqalpog‘iston Respublikasi xalq artisti. O‘zbek san’atining klassik hofizi va ustozi, «Do‘stlik» ordeni sohibi.
Bobomurod Hamdamov asosan 4 tilda: o‘zbek, turkman, tojik va hind tilida xalq qo‘shiqlarini ijro etgan. O‘rta maktabni tugatgandan keyin ko‘tarma kranchilar tayyorlaydigan qisqa kursni bitirib, qurilishga ishga kirgan. Ammo qo‘shiq aytishni yaxshi ko‘rgani uchun dastlab hindcha qo‘shiqlar aytgan, Komiljon Otaniyozovning Toshvouzdagi ansamblida ishlagan.
Bobomurod Hamdamov o‘zbek milliy qo‘shiqchilik san’atining rivojlanishida salmoqli hissa qo‘shib, bir nechta o‘lmas asarlar yaratdi va tomoshabinlar olqishiga sazovor bo‘ldi. Ayniqsa uning «Sulton Jaloliddin», «Kim ekan», «Devona», «Galdimu», «Qo‘rqdim» kabi qo‘shiqlari keng ommalashib, xalq qalbida munosib o‘rin egalladi.
Bobomurod Hamdamov buyuk hofiz Komiljon Otaniyozovning munosib izdoshi edi. Uning qo‘shiqlari va ijodi o‘zbek san’atining «oltin fondi» ga kiritilgan.
